الماتىدا قوعام قايراتكەرٸ, ەكونوميست سەرٸكبولسىن ەبدٸلدين 82 جاسىندا كٶز جۇمدى, دەپ حابارلايدى "ۇلت اقپارات".
بۇل حاباردى ساياساتتانۋشى ەرلان سايىروۆ راستادى.
«قايعىلى حابار. قازاقستان رەسپۋبليكاسى مەملەكەت قايراتكەرٸ, ەكونوميكا عىلىمدارىنىڭ دوكتورى سەرٸكبولسىن ەبدٸلدين ٶمٸردەن ٶتتٸ», - دەپ جازدى ە. سايىروۆ Facebook جەلٸسٸندە.
سەرٸكبولسىن ەبدٸلدين 1937 جىلى شىعىس قازاقستان وبلىسى, قازٸرگٸ تارباعاتاي اۋدانى قىزىلجۇلدىز اۋىلىندا تۋعان. 1960 جىلى قازاق اۋىل شارۋاشىلىق ينستيتۋتىن بٸتٸرٸپ, ەڭبەك جولىن اگرونوم بولىپ باستاعان.
1963–1966 جىلدارى اسپيرانت, اعا عىلىمي قىزمەتكەر, 1967–1982 جىلدارى - قازاق كسر-ٸ مەملەكەتتٸك جوسپارلاۋ كوميتەتٸ تٶراعاسىنىڭ ورىنباسارى بولعان.
1982 – 1985 جىلدارى قازاق كسر اۋىل شارۋاشىلىعى مينيسترٸنٸڭ بٸرٸنشٸ ورىنباسارى, 1985 جىلى - اٶك باسقارۋ جٶنٸندەگٸ رەسپۋبليكالىق جوعارى مەكتەپتٸڭ رەكتورى, 1986 – 1987 جىلدارى - قازاقستان اۋىل شارۋاشىلىعى مينيسترٸ, 1990-1995 جىلدارى قازاق كسر جوعارى كەڭەسٸنٸڭ تٶراعاسى بولدى.
1995 جىلدان بەرٸ قازاق ۇلتتىق اگرارلىق ۋنيۆەرسيتەتٸ اگروبيزنەس كافەدراسىنىڭ مەڭگەرۋشٸسٸ, پروفەسسورى قىزمەتتەرٸن اتقاردى.
سەرٸكبولسىن ەبدٸلدين - 11-گە جۋىق عىلىمي ەڭبەك پەن 6 مونوگرافييانىڭ اۆتورى.
