Bizdiń basty mindetimiz – halyqtyń tabysyn arttyrý jáne turmys sapasyn jaqsartý. Bul týraly Úkimet otyrysynda QR Premer-Ministri Álihan Smaiylov aitty, dep habarlaidy QazAqparat tilshisi.
«Qazirgi jaǵdaida biz judyryqtai jumylyp, naqty nátije kórsetýimiz qajet. Qoǵam bizden shynaiy jáne pármendi sharalar kútip otyr. Aldymyzda úlken jumys kútip tur. Memleket basshysynyń árbir tapsyrmasyn jedel jáne tiimdi oryndaýymyz qajet. Bizdiń basty mindetimiz – halyqtyń tabysyn arttyrý jáne turmys sapasyn jaqsartý», - dedi Álihan Smaiylov.
Sonymen qatar Úkimet basshysy básekege qabiletti jáne ártaraptandyrylǵan ekonomikany damytýǵa kúsh salý qajettigin basa aitty.
«Árbir ministr men ákim qabyldanatyn sharalardyń sapasy men jedeldigi úshin jeke jaýapty bolady», - degen Premer-Ministr orynbasarlaryna ózderi jetekshilik etetin salalary jáne memlekettik organdar boiynsha naqty úilestirý men baqylaýdy qolǵa alýdy tapsyrdy.
