Álemde ahýal kúrdeli kezeńde ishki birlikti arttyryp, eldik múddeni joǵary qoiyp, memlekettilikti kúsheitý qajettigi anyq.
Búgin «Amanat» partiiasynyń sezi ótti. Partiia kandidat retinde Qasym-Jomart Kemeluly Toqaevtyń kandidatýrasyn usyndy. Odan bólek «Aq jol» partiiasy men «Qazaqstan halyq partiiasy», ártúrli qoǵamdyq uiymdar da koalitsiialyq túrde Qasym-Jomart Kemeluly Toqaevtyń kandidatýrasyn qoldady.
Jalpy Qazaqstan qoǵamynda prezident saiasatynyń tóńiregine toptasý, álemdik ahýal ýshyqqan kezde memleket múddesi úshin birlikti attyrý protsesi baiqalady. Koalitsiia qurý da - álemdik tájiribede bar ári bir múdde men ortaq maqsatqa jumyldyratyn qadam. Osy arqyly azamattyq qoǵam belsendiligi men saiasi institýttardyń birigýi, prezident baǵytyn qoldaýy kórinýde.
Elimizde kúrdeli reformalar iske asýda. Jańa oblystardyń qurylýy, prezidentti bir merzimge 7 jylǵa sailaý, Konstitýtsiialyq reforma, saiasi partiialardyń qurylýyn jeńildetetin zań normalary, mojaritarlyq sailaý júiesiniń kelýi syndy ózgerister júrýde.
Áleýmettik ádilettilik, 2025 jylǵa deiin 1000 mektep salý, jergilikti joldardyń 95% jóndeýden ótkizý, ǵylym men bilimge salynǵan qarajatty arttyrý, osy maqsatta jyl saiyn ǵalymdardyń shetelde tájiribeden ótýi úshin bólinetin grant sanyn arttyrý, zamanaýi aýrýhanalar salý qolǵa alynýda.
Osy protsesterdiń barlyǵy memlekettigimizdi kúsheitip, eń bastysy halqymyzdyń áleýmettik jaǵdaiyn arttyrýǵa óz septigin tigizedi dep senemiz. Geosaiasi kúrdeli kezeńde elimizdiń tynyshtyǵy men birligi, yntymaǵy kerek. Osy maqsatta aldaǵy sailaý halqymyzdy ortaq múdde jolynda biriktiretin protsess bolýy qajet.
Baýyrjan Serikbaev, saiasattanýshy
