26 sáýirde Aqtaýda «QazMunaiGaz» UK AQ Basqarma tóraǵasy Maǵzum Myrzaǵaliev Mańǵystaý óńirindegi munai-gaz salasynyń bolashaǵyna arnalǵan halyqaralyq ǵylymi-praktikalyq konferentsiiaǵa qatysty, dep habarlaidy "Ult aqparat" "QazMunaiGaz" telegram-arnasyna silteme jasap.
Plenarlyq otyrysta sóilegen sózinde ol geologiialyq barlaýdy damytý perspektivalary men kompaniianyń osy baǵyttaǵy josparlary týraly baiandady.
«QMG strategiialyq maqsattarynyń biri retinde resýrstyq bazany damytýǵa erekshe nazar aýdarady. Qordy arttyrý maqsatynda kómirsýtekterdi barlaý jáne jete barlaý sheńberinde iske asyrý úshin jobalardyń ártarap portfelin qalyptastyrdyq. Eń aldymen, qazirgi barlaý jobalary ishinen aldaǵy josparlardan Abai blogynda burǵylanatyn tereńdigi 2500 m teńiz izdeý uńǵymasyn atap ótken jón», — dedi M.Myrzaǵaliev.
Sonymen qatar, QMG basshysy kompaniia 2024 jyly taǵy eki tereń uńǵymany burǵylaýdy josparlap otyrǵanyn atap ótti.
«Óńirlik zertteýlerimizdiń nátijesi boiynsha biz kómirsýtekterdiń zerttelmegen áleýetin 18 mlrd tonna munai ekvivalentine baǵalaimyz, munda negizgi perspektiva neǵurlym tereń jáne tehnikalyq jaǵynan kúrdeli jobalarmen bailanysty. Tereń shógindilerdi zertteý aiasynda biyl QMG Atyraý jáne Qyzylorda oblystarynda «Qaraton–podsolevoi jáne «Torǵai–paleozoi» jobalarynda 5,5 km-den eki tereń uńǵymany burǵylaýdy josparlap otyr», — dep atap ótti ol.
2023 jyly QMG jańa aýmaqtarda keń aýqymdy seismikalyq barlaý jobasyna, Aqtóbe, Batys Qazaqstan jáne Mańǵystaý oblystaryndaǵy 5 ýchaskeniń jer qoinaýyn geologiialyq zertteýge bastamashylyq etti.
Bul jobalar boiynsha byltyr Jarqyn jáne Soltústik Ózen ýchaskelerinde dalalyq seismikalyq barlaý jumystary aiaqtaldy. Qazirgi ýaqytta derekterdi óńdeý jáne taldaý jumystary júrip jatyr. Odan bólek, biyl Bolashaq ýchaskesinde 2D seismikalyq barlaý júrgizý josparda.
QMG basshysy sondai-aq Mańǵystaý oblysynda kómirsýtekterdi óndirý kólemin qoldaýǵa baǵyttalǵan keibir jobalarǵa, sonyń ishinde Ózen jáne Qaramandybas ken oryndaryn ońaltý jobasyna toqtaldy.
Sonymen qatar, QMG Lýkoilmen birlesip «Qalamqas-teńiz–Hazar» teńiz jobasyn ázirleýdi jobalaýǵa kiristi, ken ornynda alǵashqy munai óndirý 2029 jylǵa josparlanǵan. Bul joba Mańǵystaý oblysynyń munai-gaz salasy kórsetkishterine aitarlyqtai áser etýi múmkin.
Qazaqstandyq munaishy-geologtar qoǵamy dástúrli túrde ótkizetin «Mańǵystaýdyń munai-gaz bolashaǵy» halyqaralyq geologiialyq konferentsiiasy –munai-gaz salasy mamandarynyń basyn qosyp, geologiia, munai-gaz ken oryndaryn igerý baǵytyndaǵy ózekti máselelerdi talqylaýǵa ashyq alań usynatyn saladaǵy mańyzdy oqiǵa.
