Qazaqstan musylmandary dini basqarmasy áleýmettik jelilerde shý bolyp jatqan videoǵa qatysty túsinikteme berdi, dep habarlaidy Sputnik Qazaqstan.
Búgin áleýmettik jelilerde kóshe kezip júrgen mas moldanyń videosy taraǵan bolatyn. Video avtory sálde oranyp, shapan kigen er adamdy "Shubar sýdyń moldasy" dep ataidy.
Qazaqstan musylmandary dini basqarmasy videodaǵy mas er adam meshit qyzmetkeri emes ekenin málimdedi.
"Ordabasy aýdany Shubar sý aýylynda degendei, masań kúide kóshe kezip júrgen belgisiz azamat Qazaqstan musylmandary dini basqarmasynyń da, Túrkistan oblystyq ókildigine qarasty meshitterdiń de qyzmetkeri emes",- delingen habarlamada.
QMDB aqparatynsha, er adamnyń ústindegi kiimi men basyndaǵy səldesi múftiiattyń imamdarǵa arnap belgilegen úlgisinde emes.
"Beinetaspaǵa túsirip turǵan aýyldasy ony "Aq tyrna" dep atap shaqyrdy. Syraǵa sylqiia toiǵan jannyń kim ekeni aýyldastaryna jaqsyraq tanys. Sondyqtan səlde oranyp, shapan kigenniń bəri meshittiń moldasy emes", — dep habarlady QMDB baspasóz qyzmeti.
