Qazaqstan musylmandary dini basqarmasy Mianmada oryn alǵan qaiǵyly oqiǵaǵa bailanysty qatty alańdaýshylyq bildirip, jergilikti turǵyndarǵa jasalǵan qasiretti qatań aiyptaidy.
«400-den astam adamnyń ómirin qyrshynnan qiǵan qasiretti oqiǵa álemniń ár túkpirindegi musylman jurtynyń ǵana emes barsha adamzattyń alańdaýshylyǵyn týdyrýda», - deidi dini basqarma ókilderi.
QMDB elimizdegi barsha halyqtan naqaqtan qurban bolǵan, zorlyq, zombylyq kórgen adamdar úshin Bir Alladan duǵa etýdi suraidy.
«Óitkeni Alla elshisi: «Duǵa musylmannyń qarýy» degen. Mianmadaǵy adamdy azaptap óltirýdiń shekten shyqqan bul kórinisi bizdiń de janymyzǵa qatty batty. Alla Taǵala qasietti Quranda: «Jazyqsyz bir adamnyń qanyn tógý – jer betindegi búkil adamdy óltirgenmen birdei», – dep eskertken. Allanyń kúlli adamzatqa jibergen bul ashyq eskertýin umytpaýymyz kerek. Jaratýshy Iemiz barsha adamzat balasyna meiirim-shapaǵat, beibit ómir, yntymaq, sabyr bersin!» delingen habarlamada.
