قازاقستان مۇسىلماندارى دٸني باسقارماسى ميانمادا ورىن العان قايعىلى وقيعاعا بايلانىستى قاتتى الاڭداۋشىلىق بٸلدٸرٸپ, جەرگٸلٸكتٸ تۇرعىندارعا جاسالعان قاسٸرەتتٸ قاتاڭ ايىپتايدى.
«400-دەن استام ادامنىڭ ٶمٸرٸن قىرشىننان قيعان قاسٸرەتتٸ وقيعا ەلەمنٸڭ ەر تٷكپٸرٸندەگٸ مۇسىلمان جۇرتىنىڭ عانا ەمەس بارشا ادامزاتتىڭ الاڭداۋشىلىعىن تۋدىرۋدا», - دەيدٸ دٸني باسقارما ٶكٸلدەرٸ.
قمدب ەلٸمٸزدەگٸ بارشا حالىقتان ناقاقتان قۇربان بولعان, زورلىق, زومبىلىق كٶرگەن ادامدار ٷشٸن بٸر اللادان دۇعا ەتۋدٸ سۇرايدى.
«ٶيتكەنٸ اللا ەلشٸسٸ: «دۇعا مۇسىلماننىڭ قارۋى» دەگەن. ميانماداعى ادامدى ازاپتاپ ٶلتٸرۋدٸڭ شەكتەن شىققان بۇل كٶرٸنٸسٸ بٸزدٸڭ دە جانىمىزعا قاتتى باتتى. اللا تاعالا قاسيەتتٸ قۇراندا: «جازىقسىز بٸر ادامنىڭ قانىن تٶگۋ – جەر بەتٸندەگٸ بٷكٸل ادامدى ٶلتٸرگەنمەن بٸردەي», – دەپ ەسكەرتكەن. اللانىڭ كٷللٸ ادامزاتقا جٸبەرگەن بۇل اشىق ەسكەرتۋٸن ۇمىتپاۋىمىز كەرەك. جاراتۋشى يەمٸز بارشا ادامزات بالاسىنا مەيٸرٸم-شاپاعات, بەيبٸت ٶمٸر, ىنتىماق, سابىر بەرسٸن!» دەلٸنگەن حابارلامادا.
