Búgin Joǵarǵy Sotta Memleket basshysynyń «Bolashaqqa baǵdar: rýhani jańǵyrý» taqyrybyndaǵy maqalasyn búkilhalyqtyq talqylaý sheńberinde «Rýhani jańǵyrý – máńgilik el bolýdyń kepili» atty «dóńgelek ústel» ótti, dep habarlaidy Baq.kz.
Is-sharany Joǵarǵy Sot tóraǵasy Qairat Mámi júrgizdi. «Dóńgelek ústel» jumysyna Parlament Senaty Tóraǵasynyń orynbasary Bektas Beknazarov, Qazaqstan Respýblikasy Prezidentiniń janyndaǵy qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń hatshysy, Prezident Ákimshiligi Ishki saiasat bóliminiń meńgerýshisi Aida Balaeva, ǵylymi-shyǵarmashylyq intelligentsiianyń kórnekti ókilderi qatysty. Sonymen qatar, is-sharaǵa Joǵarǵy Sottyń alqa tóraǵalary men sýdialary, joǵary sot organy apparatynyń basshylyǵy men qyzmetkerleri, Sot tóreligi akademiiasynyń professor-oqytýshylar quramy men magistranttary, sondai-aq, BAQ ókilderi qatysty.
«Dóńgelek ústel» jumysyn asha kele, Q.Mámi Memleket basshysynyń baǵdarlamalyq maqalasynda qazaqstandyqtardyń HHI ǵasyrdaǵy ulttyq sanasyn damytýdyń naqty joldaryn usynǵanyn jáne rýhani jańǵyrýdyń eń basty sharty – ulttyq kodty saqtaý qajettigin atap kórsetti. «Rasynda, qazirgi jahandaný dáýirinde biz jat ideologiialardyń yqpalyna ózimizdiń ulttyq qundylyqtarymyzdy nasihattaý arqyly tótep bere alamyz. Sondyqtan da qazaq halqynyń bai tarihi murasyn saqtai otyryp, biz qazaqstandyqtardyń ulttyq sana-sezimin barynsha damytýǵa tiispiz», - dedi Joǵarǵy Sot Tóraǵasy.
«Dóńgelek ústel» barysynda Túrki álemi aqsaqaldar keńesiniń múshesi, filologiia ǵylymdarynyń doktory, professor Ádil Ahmetov, Ál-Farabi atyndaǵy Qazaq ulttyq ýniversitetiniń professory, zań ǵylymdarynyń doktory Zailaǵi Kenjaliev, L.N. Gýmilev atyndaǵy Eýraziia ulttyq ýniversitetiniń professorlary, filologiia ǵylymdarynyń doktorlary Serik Negimov pen Dihan Qamzabek, Nazarbaev ýniversiteti Mádeni baǵdarlamalar ortalyǵynyń basshysy, pedagogika ǵylymdarynyń doktory, professor Gúltas Qurmanbai sóz sóiledi.
Baiandamashylar halqymyzdyń mádenieti, tili men salt-dástúrin, ulttyq qundylyqtary arqyly jas urpaqtyń sanasyn jańǵyrtýdyń mańyzdylyǵyna toqtaldy. Osy rette olar Memleket basshysy aiqyndaǵan pragmatizm, básekelik qabilet, ulttyq biregeilikti saqtaý, bilimniń saltanat qurýy, evoliýtsiialyq damý, sananyń ashyqtyǵy sekildi qoǵamdyq sanany jańǵyrtýdyń irgeli baǵyttary boiynsha elimizde keshendi is-sharalardy júzege asyrý qajettigin atap ótti.
Jaryssóz barysynda senator Bektas Beknazarov, Mádeniet jáne sport ministrligi Tilderdi damytý jáne qoǵamdyq-saiasi jumys komitetiniń tóraǵasy Qýanysh Asylov, Sot tóreligi akademiiasynyń magistranty Ǵylymbek Jumajanov negizgi baiandamashylardyń usynystary men oi-pikirlerine qoldaý bildirdi. Olar latyn álipbiine kóshý, gýmanitarlyq bilim júiesin jańartý, ulttyq mádenietti shetelge tanytý, «Týǵan jer» baǵdarlamasyn, «Qazaq tilindegi 100 jańa oqýlyq», «Qazaqstannyń qasietti rýhani qundylyqtary» jáne «Qazaqstandaǵy 100 jańa esim» jobalaryn iske asyrýdyń mańyzdylyǵyn airyqsha atap ótti.
«Dóńgelek ústel» jumysyn qoryta kele, Q.Mámi qazaqtyń biler sotyn ulttyq qundylyqtar retinde tanýdy jáne ony keńinen nasihattaýdy usyna otyryp, rýhani jańǵyrý arqyly elimiz taiaý bolashaqta birligi jarasqan birtutas ult retinde eń damyǵan memleketterdiń qataryna qosylady dep senim bildirdi.
QR Joǵarǵy Sotynyń baspasóz qyzmetiniń málimetinshe, is-shara sońynda qatysýshylardyń tujyrymdy oilary men usynystarynyń negizinde «dóńgelek ústeldiń» qarary qabyldandy.
