Shyǵys Qazaqstan oblysynda jalǵan shot-faktýralar rásimdeý arqyly zańsyz qarjy ainalymyn uiymdastyrǵan toptyń áreketi áshkerelendi dep habarlaidy Ult.kz.
Qarjylyq monitoring agenttiginiń málimetinshe, QMA ShQO boiynsha departamenti «Ýst-Kamenogorsk inert» JShS atynan jalǵan býhgalterlik qujattar jasaýmen ainalysqan bir top tulǵanyń zańsyz shemasyn toqtatqan.
Tergeý derekterine sáikes, 2023 jyldyń maýsym-qyrkúiek ailary aralyǵynda kúdiktiler aýyr tehnikaǵa arnalǵan qosalqy bólshekter jetkizilgeni týraly jalǵan qujattardy júieli túrde rásimdep otyrǵan. Alaida is júzinde azamattyq-quqyqtyq kelisimsharttar boiynsha eshqandai mindettemeler oryndalmaǵan.
Osy qujattar arqyly seriktes kompaniialar korporativtik tabys salyǵy men qosylǵan qun salyǵyn tóleýden jaltarǵan.
Tergeý barysynda zańsyz shemaǵa Memlekettik kirister basqarmasynyń qyzmetkeri de qatysqany anyqtaldy. Ol kúdiktilerge salyqtyq baqylaýdan kedergisiz ótý úshin jalǵan qujattardy rásimdeýge kómektesken.
QMA málimetinshe, qolma-qol aqshaǵa ainaldyrylǵan qarajat kólemi 356 mln teńgege jetken. Al memleketke keltirilgen zalal 91 mln teńgeden asqan.
Sot sanktsiiasymen kúdiktilerge tiesili úsh páter men bir avtokólikke tyiym salyndy. Qylmystyq is sotqa joldandy.
