Elordalyq «Barys» qurlyqtyq hokkei ligasy plei-off satysynda búgin reseilik «Metallýrg» (Magnitogorsk) komandasymen ekinshi kezdesýin ótkizdi, dep habarlaidy QazAqparat.
Kezdesý barysynda qazaqstandyq klýb alǵashqy bolyp esep ashty. Ony 1-minýtta Iakob Lilia óziniń enshisine jazdy.
Odan keiin reseilik klýb sapynan Andrei Chibisov (5, 21-minýt), Grigorii Dronov (15-minýt), Filipp Maie (30-minýt), Brendan Laipsik (32-minýt), Djosh Karri (45-minýt) qatarynan bes shaiba soǵyp ketti.
«Barys» sapynan 57-minýtta Iakob Berglýnd esep aiyrmasyn qysqartty. Budan keiin tablodaǵy esep ózgergen joq. Elordalyq klýb qarsylasyna 2:6 esebimen ese jiberdi.
Endi eki kezdesý 5 jáne 7 naýryzda elordada bolady.
Odan keiingi eki oiyn 9 naýryzda Magnitogorskide, 11 naýryzda astanada ótedi.
Eki komanda buǵan deiin plei-off satysynda tórt márte jolyqty. Onyń ekeýinde «Barys» jarys jalǵastyrsa, ekeýinde «Metallýrg» klýbynyń joly boldy.
Eske salsaq, Magnitogorskide ótken alǵashqy kezdesýde «Barys» qarsylasynan 3:2 esebimen basym tústi.
