ەلوردالىق «بارىس» قۇرلىقتىق حوككەي ليگاسى پلەي-وفف ساتىسىندا بٷگٸن رەسەيلٸك «مەتاللۋرگ» (ماگنيتوگورسك) كومانداسىمەن ەكٸنشٸ كەزدەسۋٸن ٶتكٸزدٸ, دەپ حابارلايدى قازاقپارات.
كەزدەسۋ بارىسىندا قازاقستاندىق كلۋب العاشقى بولىپ ەسەپ اشتى. ونى 1-مينۋتتا ياكوب ليليا ٶزٸنٸڭ ەنشٸسٸنە جازدى.
ودان كەيٸن رەسەيلٸك كلۋب ساپىنان اندرەي چيبيسوۆ (5, 21-مينۋت), گريگوريي درونوۆ (15-مينۋت), فيليپپ مايە (30-مينۋت), برەندان لايپسيك (32-مينۋت), دجوش كارري (45-مينۋت) قاتارىنان بەس شايبا سوعىپ كەتتٸ.
«بارىس» ساپىنان 57-مينۋتتا ياكوب بەرگلۋند ەسەپ ايىرماسىن قىسقارتتى. بۇدان كەيٸن تابلوداعى ەسەپ ٶزگەرگەن جوق. ەلوردالىق كلۋب قارسىلاسىنا 2:6 ەسەبٸمەن ەسە جٸبەردٸ.
ەندٸ ەكٸ كەزدەسۋ 5 جەنە 7 ناۋرىزدا ەلوردادا بولادى.
ودان كەيٸنگٸ ەكٸ ويىن 9 ناۋرىزدا ماگنيتوگورسكٸدە, 11 ناۋرىزدا استانادا ٶتەدٸ.
ەكٸ كوماندا بۇعان دەيٸن پلەي-وفف ساتىسىندا تٶرت مەرتە جولىقتى. ونىڭ ەكەۋٸندە «بارىس» جارىس جالعاستىرسا, ەكەۋٸندە «مەتاللۋرگ» كلۋبىنىڭ جولى بولدى.
ەسكە سالساق, ماگنيتوگورسكٸدە ٶتكەن العاشقى كەزدەسۋدە «بارىس» قارسىلاسىنان 3:2 ەسەبٸمەن باسىم تٷستٸ.
