Koreia Halyq Demokratiialyq Respýblikasy dúisenbi kúni tańerteń jaqyn dáldiktegi úsh snariadty Shyǵys teńizine ushyrdy. Bul týraly Yonhap agenttigi habarlady.
Ońtústik Koreia Shtab bastyqtary birikken komitetiniń málimeti boiynsha, snariadtar Ońtústik Hamgion provintsiiasyndaǵy Sondok qalasyna jaqyn jerden jergilikti ýaqyt boiynsha shamamen saǵat 07:36-da ushyryldy. Olardyń ushý uzaqtyǵy – 200-ge jýyq shaqyrymdy, biiktigi 50 shaqyrymdy qurady.
Aita ketsek, KHDR osyǵan uqsas ushyrýlardy 2 naýryz kúni júrgizgen bolatyn.
«Bul – zymyrandyq ushyrý qondyrǵylarynyń birneshe tipi qatysatyn artilleriialyq oqýlardyń bir bóligi», - delingen Birlesken komitettiń taratqan habarlamasynda.
Ońtústik Koreia jáne AQSh-tyń barlaý organdary ushyrýlarǵa analiz jasap, «qosymsha ushyrýlar bolǵan jaǵdaiǵa baqylaý júrgizýde».
2 naýryzda KHDR kezekti oqýlar kezinde Kim Chen Ynnyń basshylyǵymen kópmaqsatty zymyran qondyrǵysynan jaqyn radiýsty eki snariadty ushyrǵan edi.
