Qazaqstan halqy Assambleiasy Túrkistan oblysynyń Maqtaaral aýdanyndaǵy ahýalǵa bailanysty sý tasqynynan zardap shekken aýyl turǵyndaryn qoldaýǵa arnalǵan gýmanitarlyq aktsiia basta, dep habarlaidy "Ult aqparat" assambleianyń baspasóz qyzmetine silteme jasap.
«Qazirgi kezde halyqqa azyq-túlik, gigienalyq zattar men birinshi kezekte qajetti taýarlardy jetkizý kerek. Osyǵan bailanysty Qazaqstan halqy Assambleiasynyń múshelerin, etnomádeni birlestik basshylaryn, Dostyq úileri janyndaǵy QHA volonterler ortalyqtaryn sý tasqynynan zardap shekken Maqtaaral aýdanynyń turǵyndaryna jiberý úshin qarajat, azyq-túlik taǵamdaryn, tirshilik etýge birinshi kezekte qajet bolatyn taýarlardy jinaýdy uiymdastyrýǵa shaqyramyz», - delingen habarlamada.
Kómekti jinaý úshin Shymkent qalasyndaǵy Dostyq úiiniń bazasynda Qazaqstan halqy Assambleiasynyń Respýblikalyq jedel is shtaby uiymdastyrylady. Ony Túrkistan oblystyq QHA hatshylyǵynyń meńgerýshisi Rysbekov Ǵani Qurmashuly basqaratyn bolady.
