قازاقستان حالقى اسسامبلەياسى تٷركٸستان وبلىسىنىڭ ماقتاارال اۋدانىنداعى احۋالعا بايلانىستى سۋ تاسقىنىنان زارداپ شەككەن اۋىل تۇرعىندارىن قولداۋعا ارنالعان گۋمانيتارلىق اكتسييا باستا, دەپ حابارلايدى "ۇلت اقپارات" اسسامبلەيانىڭ باسپاسٶز قىزمەتٸنە سٸلتەمە جاساپ.
«قازٸرگٸ كەزدە حالىققا ازىق-تٷلٸك, گيگيەنالىق زاتتار مەن بٸرٸنشٸ كەزەكتە قاجەتتٸ تاۋارلاردى جەتكٸزۋ كەرەك. وسىعان بايلانىستى قازاقستان حالقى اسسامبلەياسىنىڭ مٷشەلەرٸن, ەتنومەدەني بٸرلەستٸك باسشىلارىن, دوستىق ٷيلەرٸ جانىنداعى قحا ۆولونتەرلەر ورتالىقتارىن سۋ تاسقىنىنان زارداپ شەككەن ماقتاارال اۋدانىنىڭ تۇرعىندارىنا جٸبەرۋ ٷشٸن قاراجات, ازىق-تٷلٸك تاعامدارىن, تٸرشٸلٸك ەتۋگە بٸرٸنشٸ كەزەكتە قاجەت بولاتىن تاۋارلاردى جيناۋدى ۇيىمداستىرۋعا شاقىرامىز», - دەلٸنگەن حابارلامادا.
كٶمەكتٸ جيناۋ ٷشٸن شىمكەنت قالاسىنداعى دوستىق ٷيٸنٸڭ بازاسىندا قازاقستان حالقى اسسامبلەياسىنىڭ رەسپۋبليكالىق جەدەل ٸس شتابى ۇيىمداستىرىلادى. ونى تٷركٸستان وبلىستىق قحا حاتشىلىعىنىڭ مەڭگەرۋشٸسٸ رىسبەكوۆ عاني قۇرماشۇلى باسقاراتىن بولادى.
