Búgin QR Ulttyq akademiialyq kitaphanasynda QR Mádeniet jáne sport ministrliginiń uiymdastyrýymen Qazaqstan kitaphanalarymen birlesken «Zamanaýi kitaphananyń jańa kelbeti – oqý mádenietin qalyptastyrýdyń jańa formaty» taqyrybynda dóńgelek ústel ótti, dep habarlaidy "Ult aqparat".
«Búgingi dóńgelek ústelimizdiń taqyryby óte ózekti. Bul memleket basshysy Qasym-Jomart Toqaevtyń 22 qazanda ótken Ulttyq qoǵamdyq senim keńesiniń IV otyrysynda jasaǵan baiandamasynda kitaphanalar aǵartýshylyq rólin joǵaltpai, zamanaýi talaptarǵa sai bolý kerektigin atap ótti. Sondai-aq kitaphanalardyń óskeleń urpaqqa oqý mádenietin qalyptastyrý, oqý saýattylyǵyn damytý isindegi erekshe róline toqtaldy Osyǵan orai repýblikalyq jáne jergilikti atqarýshy organdaryna qarasty kitaphanalar ózderiniń dástúrli qyzmet kórsetý sapasyn arttyryp, ýaqyt talaptaryna sáikes oqyrmandardy tartýdyń jańa joldaryn izdestirý qajettiligi týyndap otyr», - deidi QR Mádeniet jáne sport ministrliginiń Mádeniet jáne óner isteri departamentiniń direktory Kúmis Seiitova.
Jastarǵa arnalǵan koýorking ortalyqtaryn ashý «Nur Otan» partiiasynyń Tóraǵasy N.Á. Nazarbaevtyń partiiany jańǵyrtý boiynsha tapsyrmasymen oryndalǵan bolatyn. Soǵan sáikes byltyrǵy Jastar jyly qarsańynda elimizdiń barlyq aimaqtaryndaǵy kitaphanalarynda jastar koýorking ortalyqtary ashylǵan.
«Qazirgi kezde barlyq Qazaqstan kitaphanalary birigip, bárimiz serpilis kórsetý kerekpiz. Memleket basshysy bizge úlken senim artyp otyr. Sol senimdi aqtaý úshin, eń aldymen jastardyń kitap oqýǵa degen talpynysyn arttyrý kerek. Álbette, jastar kovorking ortalyqtary jastardyń ǵylym-bilimge degen qyzyǵýshylyǵyn arttyrýǵa kómekshi bir qural», - deidi QR Ulttyq akademiialyq kitaphanasynyń direktory Úmithan Muńalbaeva.
Koýorking ortalyqtary – jastar uiymdarynyń jumysyn júzege asyrýǵa múmkindik beretin ujymdyq keńse qyzmeti. Onyń negizgi maqsaty – jastarǵa dártúrli kitaphanalardyń ishinde jaǵdai jasap, olardyń ǵylym-bilimge degen qulshynysyn arttyrý. Munda áleýmettik jobalar aiasynda jastar túrli formattaǵy is-sharalardy ótkizip, keńes alyp, ideialar talqylaýǵa múmkindik alady.
