Ál-Farabi atyndaǵy Qazaq ulttyq ýniversitetiniń professory, belgili tarihshy, Eýraziialyq televiziia jáne radio akademiiasynyń akademigi Láila Ahmetovanyń kitaptary QR Ulttyq kitaphanasyna qoiyldy.
Kórmede ǵalymnyń «Brestskaia krepost», «Panfilovtsy: nasha gordost, nasha slava», «Iarostnyi 1941. Razmyshleniia istorikov», «Jýrnalistika i menedjment» sekildi úzdik kitaptary men oqýlyqtary usynyldy.
Láila Seisembekqyzy 110-nan astam kitaptyń, pýblitsistikalyq maqalalar men mazmundy monografiialardyń avtory. Ǵalym Ekinshi dúniejúzilik soǵys tarihyna qatysty tyń derekter jinaqtap, qazaqstandyqtardyń maidandaǵy erligi týraly jazdy. Ol qaza tapqan jáne habar-osharsyz joǵalyp ketken otandastarymyzdyń qujattaryn izdeýde ózge elderdiń arhivterin qarap, aianbai jumys istedi. Nátijesinde tarihshy 635 qazaqstandyqtyń Brest qamalyn qorǵaǵanyn dáleldedi.
Láila Ahmetova elý jyldan beri QazUÝ-dyń jýrnalistika fakýltetinde oqytýshy bolyp jumys istep, otandyq áskeri jýrnalistikanyń damýyna óz úlesin qosyp keledi. Osy ýaqyt aralyǵynda kóptegen shákirtterdi tárbielep shyǵardy.
Aita keteiik, professordyń birneshe kitaby Qazaq ulttyq ýniversitetiniń Farabi kitaphanasyna qoiylǵan bolatyn. Sondai-aq ǵalymnyń kitap kórmeleri Ulttyq akademiialyq kitaphanada, Belarýs Respýblikasynyń Ulttyq kitaphanasynda ótti.
Qaragóz SIMÁDIL,
ál-Farabi atyndaǵy QazUÝ-diń
Baspagerlik, redaktorlyq jáne dizainerlik óner kafedrasynyń oqytýshysy
