ەل-فارابي اتىنداعى قازاق ۇلتتىق ۋنيۆەرسيتەتٸنٸڭ پروفەسسورى, بەلگٸلٸ تاريحشى, ەۋرازييالىق تەلەۆيزييا جەنە راديو اكادەميياسىنىڭ اكادەميگٸ لەيلا احمەتوۆانىڭ كٸتاپتارى قر ۇلتتىق كٸتاپحاناسىنا قويىلدى.
كٶرمەدە عالىمنىڭ «برەستسكايا كرەپوست», «پانفيلوۆتسى: ناشا گوردوست, ناشا سلاۆا», «ياروستنىي 1941. رازمىشلەنييا يستوريكوۆ», «جۋرناليستيكا ي مەنەدجمەنت» سەكٸلدٸ ٷزدٸك كٸتاپتارى مەن وقۋلىقتارى ۇسىنىلدى.
لەيلا سەيسەمبەكقىزى 110-نان استام كٸتاپتىڭ, پۋبليتسيستيكالىق ماقالالار مەن مازمۇندى مونوگرافييالاردىڭ اۆتورى. عالىم ەكٸنشٸ دٷنيەجٷزٸلٸك سوعىس تاريحىنا قاتىستى تىڭ دەرەكتەر جيناقتاپ, قازاقستاندىقتاردىڭ مايدانداعى ەرلٸگٸ تۋرالى جازدى. ول قازا تاپقان جەنە حابار-وشارسىز جوعالىپ كەتكەن وتانداستارىمىزدىڭ قۇجاتتارىن ٸزدەۋدە ٶزگە ەلدەردٸڭ ارحيۆتەرٸن قاراپ, ايانباي جۇمىس ٸستەدٸ. نەتيجەسٸندە تاريحشى 635 قازاقستاندىقتىڭ برەست قامالىن قورعاعانىن دەلەلدەدٸ.
لەيلا احمەتوۆا ەلۋ جىلدان بەرٸ قازۇۋ-دىڭ جۋرناليستيكا فاكۋلتەتٸندە وقىتۋشى بولىپ جۇمىس ٸستەپ, وتاندىق ەسكەري جۋرناليستيكانىڭ دامۋىنا ٶز ٷلەسٸن قوسىپ كەلەدٸ. وسى ۋاقىت ارالىعىندا كٶپتەگەن شەكٸرتتەردٸ تەربيەلەپ شىعاردى.
ايتا كەتەيٸك, پروفەسسوردىڭ بٸرنەشە كٸتابى قازاق ۇلتتىق ۋنيۆەرسيتەتٸنٸڭ فارابي كٸتاپحاناسىنا قويىلعان بولاتىن. سونداي-اق عالىمنىڭ كٸتاپ كٶرمەلەرٸ ۇلتتىق اكادەمييالىق كٸتاپحانادا, بەلارۋس رەسپۋبليكاسىنىڭ ۇلتتىق كٸتاپحاناسىندا ٶتتٸ.
قاراگٶز سٸمەدٸل,
ەل-فارابي اتىنداعى قازۇۋ-دٸڭ
باسپاگەرلٸك, رەداكتورلىق جەنە ديزاينەرلٸك ٶنەر كافەدراسىنىڭ وقىتۋشىسى
