Aqtóbede 6 jastaǵy qyzdy zorlamaq bolǵan sottalýshy M.Tadjiiakovqa úkim shyqty, dep habarlaidy "Ult aqparat".
Aqtóbe iývenaldyq sotynda sottalýshy M.Tadjiiakovqa qatysty sot úkimi shyqty. Sýdia Qýanysh Muratov «Jas balalardy azǵyndyq jolǵa túsirý» baby boiynsha 74 jastaǵy M. Tadjiiakovty aiypty dep tanyp, 6 jylǵa bas bostandyǵynan aiyrý jazasyn taǵaiyndady. Ol aldaǵy 10 jylda pedagogika salasynda eńbek ete almaidy. Jazasyn qylmystyq atqarý júiesiniń qaýipsizdigi ortasha mekemesinde óteidi.
Eske salsaq, Aqtóbede er adam kishkentai qyzǵa kámpit berip, ony zorlamaq bolǵan jerinen ustaldy. Bul oqiǵa maýsym aiynda «Nur Aqtóbe» yqsham aýdanynda boldy. Qylmystyq kodekstiń «Jas balalardy azǵyndyq jolǵa túsirý» baby boiynsha is qozǵalyp, tergeý júrdi.
