Kishi Taldykól sýynyń túbin tereńdetý jumystary júrgizilmese, birer jyldyń ishinde qurǵap qalýy múmkin. Sebebi munda qurǵaý protsesi júrip jatyr. Qala ákiminiń orynbasary Nurlan Soltambekov jetekshilik etken ekologiialyq keńeste Kishi Taldykóldegi rekreatsiialyq aýmaqty saqtaý jáne qurý máselesi qaraldy, dep habarlaidy Nur-Sultan qalasy ákimdiginiń resmi internet-resýrsy.
Nurlan Soltambekov Kishi Taldykóldi saqtap jáne sýyn toltyra otyryp, rekreatsiialyq aimaq qurý boiynsha jobalaý-smetalyq qujattama ázirleýdi tapsyrdy. Onda sý aýmaǵy keminde 20 gektar bolmaq. Osylaisha, sý túbin tereńdetý jumystary lai jáne basqa da ziiandy shógindilerden tazartýǵa, ortasha tereńdikti arttyrýǵa, sý balansyn saqtaýǵa jáne t.b. múmkindik beredi. Aita ketý kerek, qazir sýly-batpaqty nysandaǵy negizgi iondardyń, aýyr metaldardyń, biogendik zattardyń quramy normadan birneshe ese asady.
Tiisinshe, Kishi Taldykóldi ziiandy zattardan tazartý birinshi kezekte jergilikti turǵyndardyń densaýlyǵyna oń áser etedi. Tereńdigi 20 sm-den kem ári qaýipti, batpaqty – Kishi Taldykól mańy qalpyna keltirilip, abattandyrylady. Onda áleýmettik nysandar, iaǵni turǵyn úiler, mektepter, meditsina ortalyqtary salynady.
Kishi Taldykóldi qalpyna keltirý jumystary akvatoriia qura otyryp, jaǵalaý salýǵa múmkindik beredi: bolashaqta eki jaǵalaýdy jalǵaityn kópir salý, qala turǵyndary úshin sý kóligin iske qosý, sondai-aq flora men faýnasy bar ekoklimatty saqtaý josparlanyp otyr.
Kishi Taldykól sýly-batpaqty nysany aǵyn sýlar jinalǵan oryn bolǵanyn, úlken Taldykól sýymen tabiǵi bailanysy joq ári jerústi aǵyny men jerasty sýlary arqyly ózara bailanyspaitynyn atap ótken jón.
Taldykóldiń (úlken Taldykól) óziniń ekologiialyq infraqurylymy bolady. Taldykól kóliniń janynda qoryq, orman-saiabaq aimaǵy bar elimizdegi alǵashqy tabiǵi park ashylady. Al ekinshi ekopark – Maibalyq kóliniń mańy (áýejai baǵyty boiynsha ońtústik-shyǵys jaǵy) tartymdy oryndardyń biri bolmaq.
