Ulttyq qaýipsizdik komiteti ekonomikalyq qaýipsizdik qyzmeti Nur-Sultan, Qaraǵandy jáne Almatyda aýqymdy arnaiy operatsiia júrgizdi. 17 adam ustaldy, dep habarlaidy "Ult aqparat".
UQK qyzmetkerleri memleketke aitarlyqtai ekonomikalyq shyǵyn keltirgen uiymdasqan qylmystyq toptyń jolyn kesti.
"Nur-Sultan, Qaraǵandy, Almaty qalalarynda aýqymdy arnaiy operatsiia júrgizildi. 17 adam ustaldy, 55 tintý júrgizildi. Elektrondy qoltańba, noýtbýkter, kassalyq apparattar, jalǵan mór men qujattar, kompaniialardyń shotyn basqarýǵa arnalǵan tsifrlyq kiltter tárkilendi. Sheteldik jáne ulttyq valiýtada iri somada aqsha tárkilendi", - dep habarlady komitetten.
Kúdiktiler 300 milliard teńgeden astam qarajatty zańsyz jolmen qolma-qol aqshaǵa ainaldyrǵan. Qylmysty áshkereleýdiń nátijesinde memleket biýdjetine 3 milliard teńge salyq túse bastady.
Buǵan deiin ulttyq qaýipsizdik komitetiniń qyzmetkerleri Aqtaý men Jańaózende bir top er adamdy – "salafizm" destrýktivti dini aǵymyn ustanýshylardy ustaǵan bolatyn. Kúdiktilerdiń turǵylyqty jerlerin tintý kezinde qarý, sondai-aq ekstremistik sipattaǵy dini materialdar tabylyp, tárkilengen.
