Ýkrainalyq kásipqoi boksshy Sergei Derevianchenkonyń promoýteri Lý DiBella onyń Gennadii Golovkindi jeńgenine senimdi ekenin aitty, dep habarlaidy "Ult aqparat" Sports.kz-ke silteme jasap.
«Golovkin – uly boksshylardyń biri, ol maǵan unaidy, biraq onyń ózi de keshe durys bokstasa almaǵanyn biledi. Ol jeńe almaǵanyn biledi, men buǵan senimdimin. Bul jerde únemi adamdardyń jeke pikiri sheshedi, adamdar qatelesedi, biraq men kim jeńgenin anyq bilemin», - dedi DiBella.
Eske sala keteiik, tóreshilerdiń sheshimimen, Golovkin – Derevianchenko jekpe-jegi qazaqstandyqtyń jeńisimen aiaqtalǵan bolatyn. Osylaisha, Gennadii Golovkin IBF jáne IBO tujyrymdarynyń beldigin qaitaryp aldy.
Eske salsaq, Niý-Iorktegi Madison Square Garden arenasynda qazaqstandyq kásipqoi boksshy Gennadii Golovkin (39-1-1, 35 KO) ýkrainalyq Sergei Derevianchenkomen (13-1, 10 KO) jekpe-jek ótkizip, upai sanymen basym túsken edi.
