ۋكراينالىق كەسٸپقوي بوكسشى سەرگەي دەرەۆيانچەنكونىڭ پروموۋتەرٸ لۋ ديبەللا ونىڭ گەنناديي گولوۆكيندٸ جەڭگەنٸنە سەنٸمدٸ ەكەنٸن ايتتى, دەپ حابارلايدى "ۇلت اقپارات" Sports.kz-كە سٸلتەمە جاساپ.
«گولوۆكين – ۇلى بوكسشىلاردىڭ بٸرٸ, ول ماعان ۇنايدى, بٸراق ونىڭ ٶزٸ دە كەشە دۇرىس بوكستاسا الماعانىن بٸلەدٸ. ول جەڭە الماعانىن بٸلەدٸ, مەن بۇعان سەنٸمدٸمٸن. بۇل جەردە ٷنەمٸ ادامداردىڭ جەكە پٸكٸرٸ شەشەدٸ, ادامدار قاتەلەسەدٸ, بٸراق مەن كٸم جەڭگەنٸن انىق بٸلەمٸن», - دەدٸ ديبەللا.
ەسكە سالا كەتەيٸك, تٶرەشٸلەردٸڭ شەشٸمٸمەن, گولوۆكين – دەرەۆيانچەنكو جەكپە-جەگٸ قازاقستاندىقتىڭ جەڭٸسٸمەن اياقتالعان بولاتىن. وسىلايشا, گەنناديي گولوۆكين IBF جەنە IBO تۇجىرىمدارىنىڭ بەلدٸگٸن قايتارىپ الدى.
ەسكە سالساق, نيۋ-يوركتەگٸ Madison Square Garden ارەناسىندا قازاقستاندىق كەسٸپقوي بوكسشى گەنناديي گولوۆكين (39-1-1, 35 كو) ۋكراينالىق سەرگەي دەرەۆيانچەنكومەن (13-1, 10 كو) جەكپە-جەك ٶتكٸزٸپ, ۇپاي سانىمەن باسىم تٷسكەن ەدٸ.
