Soltústik Koreia basshysy Kim Chen Yn Qytai tóraǵasy Si Tszinpinniń shaqyrýymen Aspan asty eline saparlap bardy. Kim Chen Ynnyń aldyn ala jariialanbaǵan sapary týraly 7 qańtar kúni keshke qytailyq jáne soltústikkoreialyq resmi BAQ habarlady.
Amerikalyq sarapshylar Kim Chen Yn Qytaiǵa AQSh prezidenti Donald Tramppen yqtimal kezdesýi qarsańynda Phenian men Pekinniń is-qimylyn úilestirip alý maqsatymen barǵan boljaidy. Donald Tramp ótken aptada Kim Chen Ynnan hat alǵanyn, al 6 qańtar kúni AQSh pen Soltústik Koreia basshylarynyń yqtimal kezdesýi ótetin oryndy talqylap jatqanyn habarlaǵan. Tramp "Eki jaq ta kezdesýdi qalap otyr. Budan ne shyǵatynyn kóremiz" degen.
Kim Chen Yn byltyr Pekinge úsh ret, onyń ishinde shildede Singapýrde AQSh-Soltústik Koreia basshylarynyń sammiti qarsańynda jáne odan keiin barǵan. Donald Tramp pen Kim Chen Yn ol sammitte Korei túbegin iadrolyq qarýdan tolyq aryltýǵa daiyn ekenderin málimdegen. Alaida, bul baǵytta áli eshqandai qadam jasalǵan joq.
