سولتٷستٸك كورەيا باسشىسى كيم چەن ىن قىتاي تٶراعاسى سي تسزينپيننٸڭ شاقىرۋىمەن اسپان استى ەلٸنە ساپارلاپ باردى. كيم چەن ىننىڭ الدىن الا جارييالانباعان ساپارى تۋرالى 7 قاڭتار كٷنٸ كەشكە قىتايلىق جەنە سولتٷستٸككورەيالىق رەسمي باق حابارلادى.
امەريكالىق ساراپشىلار كيم چەن ىن قىتايعا اقش پرەزيدەنتٸ دونالد ترامپپەن ىقتيمال كەزدەسۋٸ قارساڭىندا پحەنيان مەن پەكيننٸڭ ٸس-قيمىلىن ٷيلەستٸرٸپ الۋ ماقساتىمەن بارعان بولجايدى. دونالد ترامپ ٶتكەن اپتادا كيم چەن ىننان حات العانىن, ال 6 قاڭتار كٷنٸ اقش پەن سولتٷستٸك كورەيا باسشىلارىنىڭ ىقتيمال كەزدەسۋٸ ٶتەتٸن ورىندى تالقىلاپ جاتقانىن حابارلاعان. ترامپ "ەكٸ جاق تا كەزدەسۋدٸ قالاپ وتىر. بۇدان نە شىعاتىنىن كٶرەمٸز" دەگەن.
كيم چەن ىن بىلتىر پەكينگە ٷش رەت, ونىڭ ٸشٸندە شٸلدەدە سينگاپۋردە اقش-سولتٷستٸك كورەيا باسشىلارىنىڭ سامميتٸ قارساڭىندا جەنە ودان كەيٸن بارعان. دونالد ترامپ پەن كيم چەن ىن ول سامميتتە كورەي تٷبەگٸن يادرولىق قارۋدان تولىق ارىلتۋعا دايىن ەكەندەرٸن مەلٸمدەگەن. الايدا, بۇل باعىتتا ەلٸ ەشقانداي قادام جاسالعان جوق.
