Foto: Ekologiia jáne tabiǵi resýrstar ministrliginiń baspasóz qyzmeti
Elimizde kiik múiizderin syrtqa satý jaǵy qarastyrylyp jatyr. Ruqsat alý 2025 jylǵa josparlanǵan, dep habarlaidy Kazinform agenttigi.
«Kiik múiizderi farmatsevtikadaǵy dástúrli komponent ári Shyǵys elderindegi, negizinen Qytaida dári-dármekterdiń quramdas bóligi sanalady. Búginde kiik múiizderin eksporttaýǵa múmkindigimiz joq. «SITES» sirek kezdesetin janýarlardy qorǵaý jónindegi halyqaralyq uiymy jekelegen janýarlardy qoldanýǵa (onyń ishinde kiik te bar) tyiym saldy», - dedi Ekologiia jáne tabiǵi resýrstar ministri Erlan Nysanbaev Ortalyq kommýnikatsiialar qyzmeti alańynda ótken baspasóz máslihatynda.
Sondai-aq ministr búginde Jenevada kiikterdiń múiizin paidalanýǵa tyiym salýdy alyp tastaý týraly másele talqylanyp jatqanyn aitty.
«Ruqsat alý merzimi - 2025 jyldyń basy. Búgingi tańda kiikterdiń sanyn retteýden alǵan barlyq múiiz tańbalanyp, «Ohotzooprom» mamandandyrylǵan kásipornynyń arnaiy úi-jailarynda saqtalady. Qazir kiikterdiń múiizderin satpaimyz, biraq bolashaqta kiikterdiń múiizderin syrtqy naryqqa satýdy josparlap otyrmyz», - deidi ol.
