Kiik sanyn retteýdiń qosymsha tásilderin zerdeleý maqsatynda túrli zertteýler júrgizilip jatyr. Bul týraly Májilis depýtattarynyń saýalyna Premer-Ministr Oljas Bektenovtiń jaýabynda aitylǵan, dep habarlaidy "Ult aqparat".
«Búgingi tańda kiik Qazaqstandaǵy tuiaqty janýarlardyń eń kóp taralǵan túri. Salystyratyn bolsaq, Qazaqstandaǵy basqa tuiaqty janýarlardyń báriniń jalpy sany 200 myńnan aspaidy»,- dedi Úkimet basshysy jaýabynda.
Premer-Ministr jaýabyna qosymsha berilgen anyqtamaǵa sáikes, sany 2,6 mln bolatyn kiikten keiingi ekinshi oryndaǵy tuiaqty janýar – buǵynyń sany 95,5 myń quraidy.
«Osyǵan orai, kiik sanyn retteý olardyń aýyl sharýashylyǵyna teris áserin azaitýǵa, biologiialyq tepe-teńdikti saqtaýǵa jáne azyqtyn jetispeýi men epizootiia saldarynan jappai qyrylý qaýpiniń aldyn alýǵa baǵyttalǵan. Sonymen qatar, osy jyldyń 10 aqpannan bastap kiik sanyn retteý jónindegi is-sharalar toqtatyldy. Kiik sanyn retteýdiń qosymsha tásilderin zerdeleý maqsatynda qazirgi ýaqytta ǵylymi qoǵamdastyq olardy ornyqty paidalanýǵa, epizotiialardyń paida bolý sebepterin anyqtaýǵa jáne kiikterdiń resýrstaryn qorǵaý jáne paidalanýdyń yqtimal joldary boiynsha sharalar ázirleýge baǵyttalǵan túrli zertteýler júrgizýde», - dedi Oljas Bektenov.
