Foto ©REUTERS
Kievtegi qazaqstandyqtardy evakýatsiialaýda másele týyndady. Bul týraly "Ýkrainadaǵy qazaqstandyqtar" chatynda Qazaqstan azamattary jazyp jatyr. Sondai-aq, olar qalada bailanys nasharlaǵanyn aitty. Kievten shyǵaberiste keptelis paida bolǵan. Olardyń aitýynsha, temirjol kassalarynda kezek kóp.
"Qazaqstan elshiligi barlyq azamattan Lvovqa kelýdi suraidy. Ol jerden ary qarai jerústi tasymalyn uiymdastyrady. Myna soǵys jaǵdaiynda Lvovqa qalai jetemiz? Ol 550 shaqyrymdai jerde", - dedi qazaqstandyq Áliia Turysbekova Tengrinews.kz tilshisine.
Keibir otandastarymyz ózderi uiymdasyp, Kievten shyǵýǵa daiyndalǵan. Degenmen, árkim óz betinshe shyǵa almaidy. Qazaqstandyqtar elshilikten Lvovqa avtobýstar uiymdastyrýdy surap otyr.
Osy arada Ýkrainadaǵy elshilik qazaqstandyqtarǵa júgindi.
"Ýkrainadaǵy kúrdeli jol-kólik jaǵdaiyna bailanysty qazirgi ýaqytta Qazaqstan Respýblikasynyń azamattaryna turǵylyqty jerinde bolyp, Qazaqstannyń elshiligimen jáne qurmetti konsýldyqtarymen únemi bailanysta bolý usynylady. Jaǵdai ózgerse, qosymsha aqparat beriledi", - delingen habarlamada.
Elshilik bailanys nómirlerin jariialady:
- Qazaqstan Respýblikasynyń Ýkrainadaǵy elshiligi - Kiev, Ilenko kóshesi, 26, +38 (044) 483-15-96, +38 (067) 347-04-08;
- Lvov qalasyndaǵy Qurmetti konsýldyq - Zamenova kóshesi, 3/1, +38 (032) 240-34-49, +38 (067) 370-36-10, +38 (093) 373-49-61;
- Harkov qalasyndaǵy Qurmetti konsýl - Poltavskii kóshesi, 7, +38 (067)190-77-77;
- Odessa qalasyndaǵy Qurmetti konsýldyq - Panteleimonovsk kóshesi, 101/11, +38 (067) 484-57-90, +38 (048) 748-76-90, +38 (094) 949-27-52;
- Dnepr qalasyndaǵy Qurmetti konsýldyq - Iavornitskii dańǵyly, 22, +38 (098) 222-94-37.
