Kievte turatyn qazaqstandyqtar evakýatsiiaǵa daiyndalyp jatyr. Bul týraly Kiev turǵyny Áliia Turysbekova aitty, - dep habarlaidy Tengrinews.kz tilshisi.
"Balalardyń, ózimniń zattarymdy jinap jatyrmyn. Qazaqstan elshiligi azamattardy evakýatsiialaýdy josparlap otyr", - dedi Turysbekova.
Onyń aitýynsha, qazir Kievtegi jaǵdai alańdatyp otyr.
"Bizde bári jaqsy. Biraq báribir qorqynyshty. Bir jerde soǵys bolyp jatqanyn estý bólek te, tańerteńgi saǵat 6-da jarylys daýysynan oianý múldem basqasha sezim", - dedi ol.
Buǵan deiin SIM jaǵdai ýshyqsa, Qazaqstan azamattary jedel jeli telefondaryna habarlasa alatynyn aitqan edi: +38 067 347 04 08 (WhatsApp, Viber), +38 044 483 15 96, +38 044 489 18 58.
Sondai-aq, otandastarymyz Harkov (konsýldyq okrýg Harkov, Sýmy jáne Poltava oblystaryn qamtidy), Lvov (Volynskaia, Zakarpatskaia, Ivano-Frankovskaia, Rovnenskaia, Ternopolskaia, Hmelnitskaia, Chernovetskaia jáne Lvov oblystary), Odessa (Nikolaevskaia, Herson jáne Odessa oblystary) jáne Dnepr (Dnepropetrovsk oblysy) qalalarynda ornalasqan QR qurmetti konsýldarynyń keńselerine júgine alady.
Qazir ýaqytsha konsýl esebinde 493 adam tur, olar - elshilik qyzmetkerleri men olardyń otbasy músheleri, stýdentter men biznes ókilderi. Turaqty konsýl esebinde 1110 adam tur. Qazaqstan azamattary Ýkrainanyń Kiev, Odessa, Harkov jáne Lvov oblystarynda turady.
