Kiev qalasynda Qazaqstan-Ýkraina biznes-forýmy ótedi, dep habarlaidy "Ult aqparat" Ýkrainadaǵy Qazaqstan elshiligine silteme jasap.
«2020 jyldyń 20 shildesinde Qazaqstan Respýblikasynyń Ýkrainadaǵy elshisi Darhan Káletaev pen Ýkrainanyń Ekonomika, saýda jáne aýyl sharýashylyǵyn damytý ministri Igor Petrashkonyń kezdesýi ótti. Olar saýda-ekonomikalyq yntymaqtastyqty odan ári tereńdetýge, birlesken biznes-jobalardy júzege asyrýǵa jáne kólik dálizderin damytýǵa qatysty birqatar máselelerdi talqylady.
Taraptar saýda-ekonomikalyq yntymaqtastyq jónindegi Qazaqstan -Ýkraina birlesken memleketaralyq komissiiasynyń jáne Taýar ainalymyn arttyrý jónindegi jumys tobynyń otyrystaryna belsendi daiyndyqty bastaýǵa ýaǵdalasty. Osy is-sharalar qarsańynda Kievte Qazaqstan - Ýkraina biznes-forýmy uiymdastyrylady», - dep habarlady Ýkrainadaǵy Qazaqstan elshiligi.
