Kiev qalalyq keńesiniń depýtattary Resei nemese SSSR-men bailanysty 11 kóshe atyn aýystyrdy, dep habarlady Kiev meri Vitalii Klichko.
Sheshimge sáikes, tómendegi kóshelerdiń attary ózgergen:
- Belomorskaia kóshesi – Ekateriny Gandziýk bolyp ózgertildi;
- Magnitogorskaia – Iakov Gnezdovskii kóshesi boldy;
- Lomonosov – Iýliia Zdanovskaia kóshesi boldy;
- Severo-Syretskaia – Viktor Nekrasov kóshesi boldy;
- Eńbek býlvary – Ivan Kotliarevskii kóshesi boldy;
- General Karbyshev – Irina Bekeshkina kóshesi boldy;
- Cheliabinsk – Panteleimon Kýlish kóshesi boldy;
- Nikolaia Gastello – Býsovogorskaia kóshesi boldy;
- Mamin-Sibiriak – Vechevaia kóshesi boldy;
- Vali Kotik – Venskaia kóshesi boldy;
- Ijevskaia – Ijkarskaia kóshesi boldy.
"Astanada oryssyzdandyrý saiasaty júrip jatyr. Bul mańyzdy. Ásirese Resei Ýkrainany joiýǵa tyrysyp, taǵylyq soǵys júrgizip jatqan shaqta mańyzdylyǵy arta túsedi. Basqynshy-elmen bailanysty ataýlar men simvoldardan máńgige arylýymyz kerek" dedi mer.
Qazan aiynda Kiev keńesi Ýkraina astanasyndaǵy 49 kóshe men alańnyń atyn ózgertken. Tamyzda astanadaǵy 95 nysan jańa atqa ie boldy. Klichko sonymen birge Ýkraina astanasynda Resei men sovet tarihymen bailanysty 204 nysan ataýy aýystyrylǵanyn habarlady.
Kiev keńesiniń hatshysy Vladimir Bondarenkonyń aitýynsha, sarapshylar komissiiasy qaladaǵy 296 nysannyń atyn ózgertýdi daýysqa salǵan. Onyń pikirinshe, nysandarǵa jańa at berýdiń tarihi-ulttyq mańyzdylyǵy bar.
