Qazaqstandyqtar gadjetteri men uialy bailanys qurylǵylaryna sertifikat ornatýǵa mindettele me? Bul saýalǵa QR UQK Aqparattyq qaýipsizdik departamenti bastyǵynyń orynbasary Ǵalymbek Tátenov jaýap berdi, dep habarlaidy "Ult aqparat".
«Sizder ony ornatpaýlaryńyzǵa da bolady. Ony qurylǵylaryńyzǵa óz erikterińizben ǵana ornata alasyzdar. Eger sizde naqty buǵattaý jumys istegenin, barlyq resýrstyń ajyrap qalmaǵanyn qalasańyz, qandai da bir quqyqqa qaishy keletin emes, qalaǵan siltemege ótkińiz kelse, onda sertifikat mundai jaǵdaida kómek beredi», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol kiberjattyǵý aiaqtalǵanyn atap ótti.
«Jattyǵý aiaqtalǵanyn habarladyq. Qazir kez kelgen siltemege emin-erkin kire alasyzdar. Saǵat 9-20-dan bastap júieni iske qostyq. Endi sertifikatsyz kire alasyzdar. Men tek bolashaq jaiynda aityp otyrmyn. Eger mundai ahýal týyndaityn bolsa, onda problemaǵa tap bolmaý úshin sertifikatty qazir ornatyp alǵan durys», - dedi Ǵalymbek Tátenov.
