قازاقستاندىقتار گادجەتتەرٸ مەن ۇيالى بايلانىس قۇرىلعىلارىنا سەرتيفيكات ورناتۋعا مٸندەتتەلە مە? بۇل ساۋالعا قر ۇقك اقپاراتتىق قاۋٸپسٸزدٸك دەپارتامەنتٸ باستىعىنىڭ ورىنباسارى عالىمبەك تەتەنوۆ جاۋاپ بەردٸ, دەپ حابارلايدى "ۇلت اقپارات".
«سٸزدەر ونى ورناتپاۋلارىڭىزعا دا بولادى. ونى قۇرىلعىلارىڭىزعا ٶز ەرٸكتەرٸڭٸزبەن عانا ورناتا الاسىزدار. ەگەر سٸزدە ناقتى بۇعاتتاۋ جۇمىس ٸستەگەنٸن, بارلىق رەسۋرستىڭ اجىراپ قالماعانىن قالاساڭىز, قانداي دا بٸر قۇقىققا قايشى كەلەتٸن ەمەس, قالاعان سٸلتەمەگە ٶتكٸڭٸز كەلسە, وندا سەرتيفيكات مۇنداي جاعدايدا كٶمەك بەرەدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول كيبەرجاتتىعۋ اياقتالعانىن اتاپ ٶتتٸ.
«جاتتىعۋ اياقتالعانىن حابارلادىق. قازٸر كەز كەلگەن سٸلتەمەگە ەمٸن-ەركٸن كٸرە الاسىزدار. ساعات 9-20-دان باستاپ جٷيەنٸ ٸسكە قوستىق. ەندٸ سەرتيفيكاتسىز كٸرە الاسىزدار. مەن تەك بولاشاق جايىندا ايتىپ وتىرمىن. ەگەر مۇنداي احۋال تۋىندايتىن بولسا, وندا پروبلەماعا تاپ بولماۋ ٷشٸن سەرتيفيكاتتى قازٸر ورناتىپ العان دۇرىس», - دەدٸ عالىمبەك تەتەنوۆ.
