19 shilde kúni Temirtaýdaǵy Qarmet Park («Eńbek dańqy saiabaǵy») aýmaǵynda Kia Basketball Fest festivali ótedi. Festival Metallýrg kúnine orai uiymdastyrylyp otyr. Is-shara aiasynda Allur avtomobil kompaniiasynyń quramyndaǵy Kia brendi Qazaqstandaǵy eń iri taý-ken metallýrgiia kompaniiasy Qarmet-pen birlesip, qala turǵyndaryna FIBA 3×3 halyqaralyq standartyna sai jańa basketbol alańyn tartý etedi, dep habarlaidy ult.kz.
Festival saǵat 10:00-den 22:00-ge deiin jalǵasady. Kirý barlyq kelýshiler úshin tegin.
3×3 týrniri úsh sanat boiynsha ótedi: Men PRO, U18 jasóspirimder jáne U18 qyzdar. Jalpy júlde qory 3 000 000 teńgeden asady, bul – Qazaqstandaǵy kóshe basketboly tarihyndaǵy eń iri júlde qory. Matchtardy FIBA 3×3 erejelerine sáikes ulttyq jáne halyqaralyq sanattaǵy tóreshiler basqarady.
Festivaldiń mýzykalyq baǵdarlamasyn tanymal oryndaýshylar RaiM jáne SHIZA qorytyndylaidy.
Sondai-aq festival aiasynda tanymal tulǵalardyń qatysýymen ótetin Media Basket kórsetilim matchy uiymdastyrylady. Oǵan RaiM, SHIZA, LEGORUS, SHYNGYS, SIXO, KUSH, SOLAKAI, AITKALI, RUSLAN, KALI, MIRONOV, BAHA, ROBERT PAN, ALGA PETERBURG jáne NURMANBETOV MADIYAR qatysady.
Balalar men otbasylar úshin arnaiy oiyn-saýyq baǵdarlamasy daiyndalǵan. Kúni boiy akvagrim, animatorlar, túrli baiqaýlar men keitering qyzmeti usynylady.
Týrnirge qatysý tegin. Komandalardy tirkeý saitta ashyq. Alaida ótinim berý týrnirge avtomatty túrde qatysýǵa kepildik bermeidi. Qatysý uiymdastyrýshylardyń qosymsha rastaýynan keiin ǵana rastalady.
Festivaldiń seriktesteri: Kia, Qarmet, Temirtaý qalasynyń ákimdigi, sondai-aq Gmask jáne Howe brendteri.
Tolyq aqparat pen tirkelý kiabasketfest.kz saitynda qoljetimdi.
