Ulybritaniia Joǵarǵy soty Almatynyń burynǵy ákimi Viktor Hrapýnovtyń uly Iliias Hrapýnovty qazaqstandyq "BTA banktiń" paidasyna 500 million dollar tóleýge mindettedi, dep habarlaidy Baq.kz aqparat agenttigi amerikalyq Newsweek basylymyna silteme jasap.
Sot Iliias Hrapýnovty "BTA banktiń" burynǵy basshysy, qazir shetelde turatyn Muhtar Ábliazovpen astyrtyn sóz bailasyp, oǵan "alty milliard dollardan astam qarjy jymqyrýǵa kómektesti" dep aiyptady.
Sot dereginshe, qarjynyń bir bóligi AQSh prezidenti Donald Trampqa jyljymaityn múlik biznesi arqyly qiturqy jolmen jiberilgen bolýy múmkin.
Almatynyń burynǵy ákimi, Qazaqstannyń burynǵy energetika ministri, 69 jastaǵy Viktor Hrapýnov qazir Shveitsariiada turyp jatyr. Hrapýnovqa jáne onyń jaqyndaryna Qazaqstan biligi sybailas jemqorlyq aiyptary boiynsha izdeý jariialaǵan.
Qazaqstannyń Sybailas jemqorlyqqa qarsy is-qimyl ulttyq biýrosy Viktor Hrapýnovty, onyń áieli Láilá Hrapýnovany jáne "olardyń sybailasy" dep sanalatyn Aiiar Iliiasovty buǵan deiin birneshe ret tergeýge shaqyrtqan, biraq olar kelmegen.
