ۇلىبريتانييا جوعارعى سوتى الماتىنىڭ بۇرىنعى ەكٸمٸ ۆيكتور حراپۋنوۆتىڭ ۇلى ٸليياس حراپۋنوۆتى قازاقستاندىق "بتا بانكتٸڭ" پايداسىنا 500 ميلليون دوللار تٶلەۋگە مٸندەتتەدٸ, دەپ حابارلايدى Baq.kz اقپارات اگەنتتٸگٸ امەريكالىق Newsweek باسىلىمىنا سٸلتەمە جاساپ.
سوت ٸليياس حراپۋنوۆتى "بتا بانكتٸڭ" بۇرىنعى باسشىسى, قازٸر شەتەلدە تۇراتىن مۇحتار ەبليازوۆپەن استىرتىن سٶز بايلاسىپ, وعان "التى ميلليارد دوللاردان استام قارجى جىمقىرۋعا كٶمەكتەستٸ" دەپ ايىپتادى.
سوت دەرەگٸنشە, قارجىنىڭ بٸر بٶلٸگٸ اقش پرەزيدەنتٸ دونالد ترامپقا جىلجىمايتىن مٷلٸك بيزنەسٸ ارقىلى قيتۇرقى جولمەن جٸبەرٸلگەن بولۋى مٷمكٸن.
الماتىنىڭ بۇرىنعى ەكٸمٸ, قازاقستاننىڭ بۇرىنعى ەنەرگەتيكا مينيسترٸ, 69 جاستاعى ۆيكتور حراپۋنوۆ قازٸر شۆەيتسارييادا تۇرىپ جاتىر. حراپۋنوۆقا جەنە ونىڭ جاقىندارىنا قازاقستان بيلٸگٸ سىبايلاس جەمقورلىق ايىپتارى بويىنشا ٸزدەۋ جارييالاعان.
قازاقستاننىڭ سىبايلاس جەمقورلىققا قارسى ٸس-قيمىل ۇلتتىق بيۋروسى ۆيكتور حراپۋنوۆتى, ونىڭ ەيەلٸ لەيلە حراپۋنوۆانى جەنە "ولاردىڭ سىبايلاسى" دەپ سانالاتىن اييار ٸليياسوۆتى بۇعان دەيٸن بٸرنەشە رەت تەرگەۋگە شاقىرتقان, بٸراق ولار كەلمەگەن.
