Foto: qazpolit.org
Almaty prokýratýrasy 3 milliard teńgelik jedel meditsinalyq kómek keshenin memleket menshiligine qaitaryp aldy, dep habarlaidy "Ult aqparat" Stan.kz aqparat agenttigine silteme jasap.
Almaty qalasy mamandandyrylǵan aýdanaralyq ekonomikalyq sotynyń 2023 jyl 27 qarashadaǵy sheshimimen memlekettik múlikti jeke menshikke berý jónindegi áreketterdi zańsyz dep taný týraly talap-aryz qanaǵattandyryldy. Sot sheshimi zańdy kúshine endi.
Aýdany 3974 m2 jáne 50 sotyq jeri bar keshendi burynǵy ákim Hrapýnov jeke qurylymdarǵa zańsyz bergen.
25 sáýirden bastap múlik jedel meditsinalyq járdem qyzmetine berildi. Endi qosymsha qosalqy stantsiia ashý josparlanyp jatyr.
Eske salsaq, 15 aqpanda Almaty qalasynyń prokýratýrasy Almaty qalasynyń burynǵy ákimi V. Hrapýnov shyǵarǵan jedel meditsinalyq járdem kesheniniń bir bóligin qaitaryp alǵan bolatyn.
