Horvatiiada bolǵan kúshti jer silkinisi saldarynan qaza bolǵandardyń sany ósip jatyr, dep habarlaidy Euronews aqparattyq agenttigi.
Sońǵy málimetter boiynsha, zilzala saldarynan kem degende jeti adam qaza tapty. Jerasty dúmpýlerdiń magnitýdasy 6,3 boldy. Onyń oshaǵy el astanasy Zagreb qalasynan ońtústik-shyǵysqa qarai 46 shaqyrym jerde ornalasqan, Tereńdigi 5 shaqyrym boldy.
Jer silkinisinen eń kóp zardap shekkender Glina qalasynyń mańynan tabylǵan, mundaǵy ǵimarattardyń shamamen 90 paiyzy qirady. Sondai-aq, Petrinia men Sisak qalalary aitarlyqtai zardap shekken. Ondaǵan adam aýrýhanaǵa jetkizilip, kóbi iz-túzsiz joǵaldy.
Jer silkinisin barlyq kórshi elderdiń turǵyndary da sezindi. Sloveniianyń «Krshko» AES-nyń jumysy ýaqytsha toqtatylǵan.
Eýroodaq biligi Horvatiia halqyna barlyq qajetti kómek kórsetýdi ýáde etti. Aldaǵy ýaqytta elge EO-nyń arnaiy elshisi keledi.
Qiraǵan eldi mekenderdiń kóptegen turǵyndary dalada palatkalarda túneýge týra kelip otyr. Horvatiiada barlyq shuǵyl qyzmetter men ásker jumyldyrylǵan.
