حورۆاتييادا بولعان كٷشتٸ جەر سٸلكٸنٸسٸ سالدارىنان قازا بولعانداردىڭ سانى ٶسٸپ جاتىر, دەپ حابارلايدى Euronews اقپاراتتىق اگەنتتٸگٸ.
سوڭعى مەلٸمەتتەر بويىنشا, زٸلزالا سالدارىنان كەم دەگەندە جەتٸ ادام قازا تاپتى. جەراستى دٷمپۋلەردٸڭ ماگنيتۋداسى 6,3 بولدى. ونىڭ وشاعى ەل استاناسى زاگرەب قالاسىنان وڭتٷستٸك-شىعىسقا قاراي 46 شاقىرىم جەردە ورنالاسقان, تەرەڭدٸگٸ 5 شاقىرىم بولدى.
جەر سٸلكٸنٸسٸنەن ەڭ كٶپ زارداپ شەككەندەر گلينا قالاسىنىڭ ماڭىنان تابىلعان, مۇنداعى عيماراتتاردىڭ شامامەن 90 پايىزى قيرادى. سونداي-اق, پەترينيا مەن سيساك قالالارى ايتارلىقتاي زارداپ شەككەن. ونداعان ادام اۋرۋحاناعا جەتكٸزٸلٸپ, كٶبٸ ٸز-تٷزسٸز جوعالدى.
جەر سٸلكٸنٸسٸن بارلىق كٶرشٸ ەلدەردٸڭ تۇرعىندارى دا سەزٸندٸ. سلوۆەنييانىڭ «كرشكو» اەس-نىڭ جۇمىسى ۋاقىتشا توقتاتىلعان.
ەۋرووداق بيلٸگٸ حورۆاتييا حالقىنا بارلىق قاجەتتٸ كٶمەك كٶرسەتۋدٸ ۋەدە ەتتٸ. الداعى ۋاقىتتا ەلگە ەو-نىڭ ارنايى ەلشٸسٸ كەلەدٸ.
قيراعان ەلدٸ مەكەندەردٸڭ كٶپتەگەن تۇرعىندارى دالادا پالاتكالاردا تٷنەۋگە تۋرا كەلٸپ وتىر. حورۆاتييادا بارلىق شۇعىل قىزمەتتەر مەن ەسكەر جۇمىلدىرىلعان.
