Horvatiia eliniń quqyq qorǵaý organdary ulttyq kedendik qyzmetpen qosylyp, Dýbrovnik qalasynan 90 shaqyrym jerdegi Ploche teńiz portynda Ońtústik Amerikadan salmaǵy 575 kelige jýyq zańsyz kokain partiiasyn tárkileý boiynsha operatsiiany sátti ótkizdi. Bul týraly HRT telearnasy habarlady.
Telearnanyń atap ótýinshe, esirtkini tárkileý operatsiiasy 30 naýryzda ótkizilgen, alaida Dýbrovnik politsiiasy ol jaily aqparatty tek 14 sáýir kúni jariialady.
Dýbrovachko-Neretvan jýpaniiasy (eldiń ákimshilik-aýmaqtyq birligi) kriminaldyq politsiia qyzmetiniń bastyǵy Zoran Tikvitsanyń aitýynsha, 30 naýryzdaǵy arnaiy is-sharanyń barysynda jalpy quny 57 mln eýrony quraityn 574,869 keli esirtkilik zattar tárkilengen.
Horvatiia quqyq qorǵaýshylarynyń bul operatsiiasy – sońǵy kezde ótkizilgen úshinshi is-shara.
