حورۆاتييا ەلٸنٸڭ قۇقىق قورعاۋ ورگاندارى ۇلتتىق كەدەندٸك قىزمەتپەن قوسىلىپ, دۋبروۆنيك قالاسىنان 90 شاقىرىم جەردەگٸ پلوچە تەڭٸز پورتىندا وڭتٷستٸك امەريكادان سالماعى 575 كەلٸگە جۋىق زاڭسىز كوكاين پارتيياسىن تەركٸلەۋ بويىنشا وپەراتسييانى سەتتٸ ٶتكٸزدٸ. بۇل تۋرالى HRT تەلەارناسى حابارلادى.
تەلەارنانىڭ اتاپ ٶتۋٸنشە, ەسٸرتكٸنٸ تەركٸلەۋ وپەراتسيياسى 30 ناۋرىزدا ٶتكٸزٸلگەن, الايدا دۋبروۆنيك پوليتسيياسى ول جايلى اقپاراتتى تەك 14 سەۋٸر كٷنٸ جارييالادى.
دۋبروۆاچكو-نەرەتۆان جۋپانيياسى (ەلدٸڭ ەكٸمشٸلٸك-اۋماقتىق بٸرلٸگٸ) كريمينالدىق پوليتسييا قىزمەتٸنٸڭ باستىعى زوران تيكۆيتسانىڭ ايتۋىنشا, 30 ناۋرىزداعى ارنايى ٸس-شارانىڭ بارىسىندا جالپى قۇنى 57 ملن ەۋرونى قۇرايتىن 574,869 كەلٸ ەسٸرتكٸلٸك زاتتار تەركٸلەنگەن.
حورۆاتييا قۇقىق قورعاۋشىلارىنىڭ بۇل وپەراتسيياسى – سوڭعى كەزدە ٶتكٸزٸلگەن ٷشٸنشٸ ٸس-شارا.
