Shaibaly hokkeiden biylǵy erler arasyndaǵy álem chempionaty "qaýipsizdik máseleleri týyndaǵandyqtan" Belarýs astanasy Minskide ótpeitin boldy. Bul sheshimdi 18 qańtarda Halyqaralyq hokkei federatsiiasy (IIHF) jariialady.
"IIHF keńesi Belarýste qazir komandalardyń, jankúierlerdiń jáne resmi tulǵalardyń qaýipsizdigin qamtamasyz etý múmkin emes dep sheshti" dep jazylǵan federatsiiasynyń resmi málimdemesinde.
Hokkeiden álem chempionaty 21 mamyr – 6 maýsymda Minsk pen Latviia astanasy Rigada ótýi tiis edi. Biraq IIHF Belarýste jurt Aleksandr Lýkashenko biligine narazylyǵy toqtamai, politsiia beibit mitingige shyqqandarǵa kúsh qoldanǵan soń chempionatty Minskide ótkizbeý máselesin qarastyra bastaǵan.
Budan bólek IIHF Belarýstiń koronavirýsty baqylaýda ustaý qaýqaryna da kúmán keltirgen.
Álem chempionaty Latviiada ǵana óte me álde basqa el tańdala ma, ol jaǵy áli belgisiz. Halyqaralyq hokkei federatsiiasy muny jaqyn kúnderi sheshpek.
Bul álem chempionatyna Qazaqstan quramasy da qatysýy tiis. Qazaqstan Kanada, Finliandiia, AQSh, Germaniia, Latviia, Norvegiia, Italiiamen bir topta oinaidy.
