شايبالى حوككەيدەن بيىلعى ەرلەر اراسىنداعى ەلەم چەمپيوناتى "قاۋٸپسٸزدٸك مەسەلەلەرٸ تۋىنداعاندىقتان" بەلارۋس استاناسى مينسكٸدە ٶتپەيتٸن بولدى. بۇل شەشٸمدٸ 18 قاڭتاردا حالىقارالىق حوككەي فەدەراتسيياسى (IIHF) جارييالادى.
"IIHF كەڭەسٸ بەلارۋستە قازٸر كوماندالاردىڭ, جانكٷيەرلەردٸڭ جەنە رەسمي تۇلعالاردىڭ قاۋٸپسٸزدٸگٸن قامتاماسىز ەتۋ مٷمكٸن ەمەس دەپ شەشتٸ" دەپ جازىلعان فەدەراتسيياسىنىڭ رەسمي مەلٸمدەمەسٸندە.
حوككەيدەن ەلەم چەمپيوناتى 21 مامىر – 6 ماۋسىمدا مينسك پەن لاتۆييا استاناسى ريگادا ٶتۋٸ تيٸس ەدٸ. بٸراق IIHF بەلارۋستە جۇرت الەكساندر لۋكاشەنكو بيلٸگٸنە نارازىلىعى توقتاماي, پوليتسييا بەيبٸت ميتينگٸگە شىققاندارعا كٷش قولدانعان سوڭ چەمپيوناتتى مينسكٸدە ٶتكٸزبەۋ مەسەلەسٸن قاراستىرا باستاعان.
بۇدان بٶلەك IIHF بەلارۋستٸڭ كوروناۆيرۋستى باقىلاۋدا ۇستاۋ قاۋقارىنا دا كٷمەن كەلتٸرگەن.
ەلەم چەمپيوناتى لاتۆييادا عانا ٶتە مە ەلدە باسقا ەل تاڭدالا ما, ول جاعى ەلٸ بەلگٸسٸز. حالىقارالىق حوككەي فەدەراتسيياسى مۇنى جاقىن كٷندەرٸ شەشپەك.
بۇل ەلەم چەمپيوناتىنا قازاقستان قۇراماسى دا قاتىسۋى تيٸس. قازاقستان كانادا, فينلياندييا, اقش, گەرمانييا, لاتۆييا, نورۆەگييا, يتالييامەن بٸر توپتا وينايدى.
