Shaibaly hokkeiden Álem chempionatynyń elitalyq diviziony jartylai finalyna joldama alǵan tórt qurama anyqtaldy, dep habarlaidy "Ult
Eske salsaq, budan buryn jartylai finalǵa AQSh pen Germaniia quramalary joldama alǵan bolatyn. Shirek finalda AQSh Slovakiiany 6:1 esebimen tas-talqan etip jeńse, Germaniia Shveitsariiany býlliten 3:2 esebimen tize búktirdi.
Shirek finaldaǵy taǵy bir kezdesýde Resei men Kanada quramalary muz aidynǵa shyqty. Atalǵan oiynda aldymen reseilikter qatarynan Evgenii Timkin 34-minýtta esep ashsa, 45-minýtta kanadalyq Adam Henrik tarazy basyn teńestirip ketti. Negizgi kezeń 1:1 esebimen teń aiaqtalyp, oiyn overtaimǵa ulasty. Overtaimda kanadalyq qurama sapynan Endriý Mandjapane mergendik tanytyp, óz quramasyna jeńis syilady.
Al taǵy bir kezdesýde Finliandiia men Chehiia quramalary kúsh synasty. Atalǵan oiynda Ere Innala soqqan jalǵyz shaiba finliandiialyq hokkeishilerge jeńis syilady. Qarsylasynan 1:0 basym túsken finlianliialyq qurama jartylai finalǵa shyqty.
Endi jartylai final oiyndary 5 maýsym kúni ótkiziledi. Bul kúni AQSh pen Germaniia, Kanada men Finliandiia quramalary kezdesedi.
Aita keterligi, jartylai finalda synǵa túsetin quramalardyń barlyǵy Qazaqstan quramasy oiyn kórsetken V tobynda ózara sheberilk baiqasqan edi. Olardyń arasynda qazaqstandyq hokkeishiler AQSh-qa 0:3, Kanadaǵa 2:4 esebimen jol berse, Finliandiiany býllitten 3:2, Germaniiany negizgi kezeńde 2:1 esebimen jeńdi.
Eske salsaq, biyl atalǵan synda Qazaqstan quramasy el namysyn qorǵady. Olar barlyǵy 10 upai jinap, týrnir besinshi oryndy qanaǵat tutyty. Osylaisha plei-off kezeńine shyǵýdan tys qaldy.
Aita keteiik, álem chempionaty Latviia astanasy Riga qalasynda 23 mamyrda bastaldy. Ol 6 maýsymda aiaqtalady.
