Shaibaly hokkeiden 2021 jylǵy álem chempionatynyń elitalyq divizionynda, 31 mamyrda Qazaqstan quramasy Norvegiiadan basym tústi, dep habarlaidy "Ult aqparat".
Biylǵy týrnirde buǵan deiin qazaqstandyq hokkeishiler tórt márte jeńiske jetip, eki kezdesýde qarsylastaryna ese jiberip qoidy. Nátijesinde alty oiynnan keiin on upai jinap, týrnir kestesinde úshinshi orynǵa jaiǵasty. Búgin jeńiske jetken jaǵdaida Qazaqstan quramasy óz tarihynda tuńǵysh ret plei-off kezeńine joldama alatyn edi.
Buǵan deiin qazaqstandyq hokkeishiler býllitten Latviiany 3:2, Finliandiiany 2;1, negizgi kezeńde Germaniiany 3:2, Italiiany 11:3 esebimen jeńdi.
Alǵashqy kezeńde qos qurama bir-birine jii shabýyldady. Osyndai sátterdiń birinde 16-minýtta qazaqstandyq Dmitrii Shevchenko mergendik tanytyp, óz quramasyn alǵa shyǵardy. Budan keiin qos quramanyń esepti ózgertetin birneshe múmkindigi boldy. Alaida onyń eshqaisysy golǵa ainalǵan joq.
Ekinshi kezeńde de quramalardyń shabýyl shebinde jii boi kórsetkeni baiqaldy. Dese de osyndai sátterdiń birinde 27-minýtta norvegiialyq Tomas Valkve Olsen kózdegen nysanadan múlt ketken joq.
Oiynnyń 41-minýtynda norvegiialyq Stefan Espelan óz quramasyna alǵa shyǵardy. Al 59-minýtta onyń áriptesi Matis Olimb qorytyndy esepti belgiledi.
Osylaisha qazaqstandyq qurama qarsylasyna 1:3 esebimen jol berdi. Týrnir kestesinde ázirge on upaimen úshinshi orynda tur. Erteń, 1 maýsymda toptyq kezeńdegi sońǵy oiyndar ótkiziledi. Sodan keiin plei-off kezeńine joldama alǵan tórt qurama anyqtalady. Olardyń qatarynan Qazaqstan quramasy da tabylýy múmkin.
