Shaibaly hokkeiden 2022 jylǵy álem chempionaty elitalyq divizionyndaǵy Qazaqstan quramasynyń qarsylastary anyqtaldy, dep habarlaidy "Ult aqparat".
Halyqaralyq shaibaly hokkei federatsiiasynyń resmi saity Finliandiianyń Helsinki jáne Tampere qalalarynda ótetin álem chempionatyna toptardy jariialady.
Qazaqstan quramasy «A» tobynda Kanada, Resei, Germaniia, Shveitsariia, Slovakiia, Daniia jáne Italiiamen Helsinki qalasyndaǵy muzaidynda sheberlik baiqasady.
Al V tobynda Finliandiia, AQSh, Chehiia, Shvetsiia, Latviia, Norvegiia, Belarýs jáne Ulybritaniia kúsh synasady.
Dúbirli doda 2022 jyly 13-29 mamyr aralyǵynda sol eldiń Helsinki jáne Tampere qalalarynda ótkiziledi. Onda barlyǵy 16 qurama oinaidy. Aldaǵy jyly da biyl synǵa túsken quramalar qatysady.
Koronavirýs infektsiiasyna bailanysty birinshi diviziondaǵy irikteý oiyndary ótkizilgen joq. Sondyqtan biyl álem chempionatynyń elitalyq divizionynda oinaǵan quramalar tolyqtai ornyn saqtap qaldy.
