Qurlyqtyq hokkei ligasy aiasynda elordalyq «Barys» búgin, 3 aqpanda Reseide «Metallýrg» (Magnitogorsk) komandasymen kezdesti, dep habarlaidy QazAqparat.
Eki komanda týrnir kestesinde qatarlas keledi. Degenmen reseilik klýbtyń jaǵdaiy táýir. Týrnir kestesinde 51 oiynnan keiin 69 upai jinap, 7-orynda tur. Al «Barys» 51 oiynnan keiin 60 upaimen 12-orynda keledi.
Sol sebepti qazaqstandyq klýb alǵashqy minýttan shabýylǵa iek artqan bolatyn. Ekinshi kezeńniń 23-minýtynda «Barys» hokkeishisi Kirill Paniýkov esep ashsa, oǵan 31-minýtta «Metallýrg» sapynan Andrei Nestrashil tarazy basyn teńestirdi.
Al 46-minýtta reseilik Mihail Pashnin «Metallýrgti» alǵa shyǵardy. Reseilik taǵy bir hokkeishi Nikolai Goldobin 54-minýtta qorytyndy esepti belgiledi. «Barys» qarsylasyna 1:3 esebimen jol berdi.
Endi qazaqstandyq klýb 5 aqpanda Reseide «Sibir» (Novosibir) komandasymen kezdesse, 7 aqpanda qaitadan «Metallýrgpen» taǵy bir oiyn ótkizedi.
Esterińizge sala ketelik, budan buryn elordalyq klýb «Barys» elordada «Avtomobilistke» ese jiberdi.
