Halyqaralyq olimpiada komiteti 2020 jylǵy Tokio olimpiadasy kezinde saiasi isharattar jasaýǵa tyiym salynatynyn málimdedi, dep habarlaidy "Ult aqparat" Huffington Post basylymyna silteme jasap.
«Jahandyq deńgeide beitaraptylyq saqtaý kerek. Eshbir saiasi, dini nemese etnikalyq belgilerge jol berilmeýi tiis» delingen komitettiń habarlamasynda.
Komitettiń habarlaýynsha, Olimpiadanyń ashylý jáne jabylý saltanattarynda, oiyn alańdarynda, marapattaý sharasynda jáne basqa da resmi jiyndarda qandai da bir isharattar kórsetýge tyiym salynady.
Komitet sportshylar óziniń jeke pikirin bildirýge bolatyn oryndar arnaiy belgilenetinin jáne áleýmettik jelilerdi paidalanýǵa bolatynyn málimdedi.
Aita ketý kerek, Olimpiada tarihynda sportshylardyń qandai da bir saiasi oqiǵalarǵa narazylyq bildirý jaǵdaiy birneshe ret bolǵan.
