Halyqaralyq Olimpiada komiteti (HOK) Viktor Lýkashenkony Belarýs Ulttyq olimpiada komitetiniń (UOK) jańa tóraǵasy, al Dmitrii Baskovty atqarý komitetiniń múshesi retinde moiyndamady. Uiym Minsk sportshylardy el ishindegi saiasi kemsitýshilikten jetkilikti qorǵai almaýyna bailanysty "kóńili qalǵanyn" málimdedi, - dep habarlaidy Tengrinews.kz DW.com agenttigine silteme jasap.
Osyǵan bailanysty HOK Belarýs UOK-pen tek bas hatshy Polina Golovina arqyly ǵana bailanysta bolady jáne UOK-qa qarsy 2020 jyldyń jeltoqsanynda qabyldanǵan sanktsiialardy saqtaidy. Atap aitqanda, Belarýs sportshylaryna stipendiia men Belarýs quramasynyń Olimpiada oiyndaryna daiyndalýyna jáne oǵan qatysýyna bailanysty qarajatty qospaǵanda, barlyq qarjylyq tólem ýaqytsha toqtatylady.
Sonymen qatar, Halyqaralyq Olimpiada komiteti Belarýstiń joǵary laýazymdy memlekettik qyzmetshilerin Olimpiada oiyndary aiasyndaǵy is-sharalarǵa shaqyrýdan bas tartatyny aitylǵan. "HOK Atqarýshy komiteti jaǵdaidy baqylaýda ustaidy jáne jaǵdaidyń ózgerýine bailanysty kez kelgen áreketti qarastyrý nemese osy ýaqytsha sharalardyń kez kelgenin joiý quqyǵyn ózinde qaldyrady", - delingen habarlamada.
Aleksandr Lýkashenko UOK-ty 1997 jyldan beri basqarǵan. Aqpannyń sońynda Belarýs prezidentiniń úlken uly UOK basshysy bolyp taǵaiyndalǵan edi. Viktor Lýkashenko 2019 jyldyń qarashasynan bastap UOK birinshi vitse-prezidenti bolǵan.
Qańtardyń ortasynda Halyqaralyq shaibaly hokkei federatsiiasy (IIHF) Minskini shaibaly hokkeiden 2021 jylǵy álem chempionatyn ótkizý quqyǵynan aiyrǵan edi. IIHF sheshim qaýipsizdikke bailanysty shyǵarylǵanyn málimdegen. Aqpanda úsh dúrkin Olimpiada júldegeri, Eýropa jáne álem chempiony, Belarýs sporttyq yntymaqtastyq qoryn basqaratyn Aleksandra Gerasimenia Aleksandr Lýkashenkoǵa ashyq hat joldap, ony "jeńilisin moiyndap, abyroimen ketýge" shaqyrǵan bolatyn.
Eske salaiyq, Belarýste jeti aiǵa jýyq ýaqyt boiy prezidenttik sailaý nátijelerin burmalaýǵa qarsy jappai narazylyq aktsiialary ótip jatyr. 9 tamyzda ótken sailaýda Aleksandr Lýkashenko qaita jeńgen edi. Mitingige shyqqandar bilik nátijeni burmalady dep aiyptap, jańa, ádil sailaý ótkizýdi jáne saiasi tutqyndardy bosatýdy, sondai-aq qaýipsizdik kúshteriniń narazylyq bildirýshilerge qarsy ozbyrlyǵyn toqtatýdy talap etken.
