حالىقارالىق وليمپيادا كوميتەتٸ (حوك) ۆيكتور لۋكاشەنكونى بەلارۋس ۇلتتىق وليمپيادا كوميتەتٸنٸڭ (ۇوك) جاڭا تٶراعاسى, ال دميتريي باسكوۆتى اتقارۋ كوميتەتٸنٸڭ مٷشەسٸ رەتٸندە مويىندامادى. ۇيىم مينسك سپورتشىلاردى ەل ٸشٸندەگٸ ساياسي كەمسٸتۋشٸلٸكتەن جەتكٸلٸكتٸ قورعاي الماۋىنا بايلانىستى "كٶڭٸلٸ قالعانىن" مەلٸمدەدٸ, - دەپ حابارلايدى Tengrinews.kz DW.com اگەنتتٸگٸنە سٸلتەمە جاساپ.
وسىعان بايلانىستى حوك بەلارۋس ۇوك-پەن تەك باس حاتشى پولينا گولوۆينا ارقىلى عانا بايلانىستا بولادى جەنە ۇوك-قا قارسى 2020 جىلدىڭ جەلتوقسانىندا قابىلدانعان سانكتسييالاردى ساقتايدى. اتاپ ايتقاندا, بەلارۋس سپورتشىلارىنا ستيپەندييا مەن بەلارۋس قۇراماسىنىڭ وليمپيادا ويىندارىنا دايىندالۋىنا جەنە وعان قاتىسۋىنا بايلانىستى قاراجاتتى قوسپاعاندا, بارلىق قارجىلىق تٶلەم ۋاقىتشا توقتاتىلادى.
سونىمەن قاتار, حالىقارالىق وليمپيادا كوميتەتٸ بەلارۋستٸڭ جوعارى لاۋازىمدى مەملەكەتتٸك قىزمەتشٸلەرٸن وليمپيادا ويىندارى اياسىنداعى ٸس-شارالارعا شاقىرۋدان باس تارتاتىنى ايتىلعان. "حوك اتقارۋشى كوميتەتٸ جاعدايدى باقىلاۋدا ۇستايدى جەنە جاعدايدىڭ ٶزگەرۋٸنە بايلانىستى كەز كەلگەن ەرەكەتتٸ قاراستىرۋ نەمەسە وسى ۋاقىتشا شارالاردىڭ كەز كەلگەنٸن جويۋ قۇقىعىن ٶزٸندە قالدىرادى", - دەلٸنگەن حابارلامادا.
الەكساندر لۋكاشەنكو ۇوك-تى 1997 جىلدان بەرٸ باسقارعان. اقپاننىڭ سوڭىندا بەلارۋس پرەزيدەنتٸنٸڭ ٷلكەن ۇلى ۇوك باسشىسى بولىپ تاعايىندالعان ەدٸ. ۆيكتور لۋكاشەنكو 2019 جىلدىڭ قاراشاسىنان باستاپ ۇوك بٸرٸنشٸ ۆيتسە-پرەزيدەنتٸ بولعان.
قاڭتاردىڭ ورتاسىندا حالىقارالىق شايبالى حوككەي فەدەراتسيياسى (IIHF) مينسكٸنٸ شايبالى حوككەيدەن 2021 جىلعى ەلەم چەمپيوناتىن ٶتكٸزۋ قۇقىعىنان ايىرعان ەدٸ. IIHF شەشٸم قاۋٸپسٸزدٸككە بايلانىستى شىعارىلعانىن مەلٸمدەگەن. اقپاندا ٷش دٷركٸن وليمپيادا جٷلدەگەرٸ, ەۋروپا جەنە ەلەم چەمپيونى, بەلارۋس سپورتتىق ىنتىماقتاستىق قورىن باسقاراتىن الەكساندرا گەراسيمەنيا الەكساندر لۋكاشەنكوعا اشىق حات جولداپ, ونى "جەڭٸلٸسٸن مويىنداپ, ابىرويمەن كەتۋگە" شاقىرعان بولاتىن.
ەسكە سالايىق, بەلارۋستە جەتٸ ايعا جۋىق ۋاقىت بويى پرەزيدەنتتٸك سايلاۋ نەتيجەلەرٸن بۇرمالاۋعا قارسى جاپپاي نارازىلىق اكتسييالارى ٶتٸپ جاتىر. 9 تامىزدا ٶتكەن سايلاۋدا الەكساندر لۋكاشەنكو قايتا جەڭگەن ەدٸ. ميتينگٸگە شىققاندار بيلٸك نەتيجەنٸ بۇرمالادى دەپ ايىپتاپ, جاڭا, ەدٸل سايلاۋ ٶتكٸزۋدٸ جەنە ساياسي تۇتقىنداردى بوساتۋدى, سونداي-اق قاۋٸپسٸزدٸك كٷشتەرٸنٸڭ نارازىلىق بٸلدٸرۋشٸلەرگە قارسى وزبىرلىعىن توقتاتۋدى تالاپ ەتكەن.
