Elimizdiń Halyqqa qyzmet kórsetý ortalyqtary qyzmetkerleriniń jalaqysy 30 paiyzǵa ósedi. Bul jaiynda QR Tsifrlyq damý jáne aeroǵarysh ónerkásibi ministri Asqar Jumaǵaliev facebook-tegi paraqshasynda jazdy, dep habarlaidy "Ult aqparat".
«Bizdiń HQKO qyzmetkerleriniń jalaqysyn kóterý týraly usynysymyz jaqynda qoldaý tapty. Bul memlekettik qyzmet kórsetý salasy úshin mańyzdy qadam dep esepteimin. Osy sheshimdi qoldaǵany úshin el basshylyǵy men parlamentariige rizashylyǵymdy bildiremin. Memlekettik korporatsiianyń Halyqqa qyzmet kórsetý ortalyqtaryndaǵy operatorlar, óz kezeginde memlekettiń ókili retinde memlekettik qyzmetterdi kórsetýde kúnbe-kún turǵyndarmen jumys isteidi. Keibireýler úshin bul jańalyq bolýy múmkin. Biraq, 648 túrli qyzmet kórsetýdiń qyr-syryn meńgergen inspektorlardyń jalaqysy 70 myń teńge. Árine, óte az. Kadrlardyń turaqtamaýy, bos jumys oryndarynyń kóptigi, kadr tapshylyǵy osydan týyndaidy», - dep jazdy ministr.
Onyń atap ótýinshe, osy aidan bastap respýblika boiynsha HQKO-daǵy 8500 qyzmetkerdiń jalaqysy 30 paiyzǵa ósedi. Sonymen qatar, memlekettik qyzmet kórsetý sapasyna qoiylatyn talaptar da artady.
«Osy oraida, Memlekettik korporatsiiaǵa (Azamattarǵa arnalǵan úkimet/ Pravitelstvo dlia grajdan) »qupiia satyp alýshy« tásilimen filialdardyń jumysyna taldaý júrgizý tájiribesin qaita qolǵa alýdy tapsyrdym», - dedi Asqar Jumaǵaliev.
